രാജ്യത്തിൻ്റെ തെക്ക് ഭാഗത്ത് മഞ്ഞുവീഴ്ച വീഴുന്നത് തുടരുന്നതിനാൽ, കൂടുതൽ തടസ്സങ്ങളുണ്ടാകുമെന്ന് സ്വീഡിഷ് കാലാവസ്ഥാ നിരീക്ഷകൻ SMHI മുന്നറിയിപ്പ് നൽകി. ഗോറ്റ്ലാൻഡ്,സ്റ്റോക്ക്ഹോം മേഖലയിലേക്ക് കൂടി SMHI ഓറഞ്ച് അലെർട്ട് പുറപ്പെടിവിപ്പിച്ചിട്ടുണ്ട്.
ഞായറാഴ്ച രാവിലെ,സെൻട്രൽ സ്റ്റോക്ക്ഹോമിൽ പതിനാല് സെന്റീമീറ്റർ മഞ്ഞുവീഴ്ചയുണ്ടായി, അതേസമയം വാൽഡെമാർസ്വിക്കിന് പടിഞ്ഞാറ് ഹോംബോയിൽ ഇരുപത്തിയൊന്ന് സെന്റീമീറ്ററാണ് മഞ്ഞിൻ്റെ ആഴം റിപ്പോർട്ട് ചെയ്യപ്പെട്ടു.
കാലാവസ്ഥാ മുന്നറിയിപ്പുകളെത്തുടർന്ന് തിങ്കളാഴ്ച സ്വീഡനിലുടനീളം സർക്കാർ ഉടമസ്ഥതയിലുള്ള ട്രെയിൻ കമ്പനിയായ എസ്.ജെ സർവീസുകൾ റദ്ദാക്കി, സ്റ്റോക്ക്ഹോമിനും ഉപ്സാലയ്ക്കും ഇടയിലുള്ള പ്രാദേശിക ട്രെയിനുകൾ ഓടുന്നില്ല. പൊതുഗതാഗത സ്ഥാപനമായ എസ്. എൽ (Storstockholms Lokaltrafik) തങ്ങളുടെ യാത്രക്കാരോട് തിങ്കളാഴ്ച പല ബസ്സ്ലൈനുകളും റദ്ദാക്കിയതായും കഴിയുമെങ്കിൽ വീട്ടിലിരുന്ന് ജോലി ചെയ്യാനും നിർദ്ദേശിച്ചിട്ടുണ്ട്.
തിങ്കളാഴ്ച പുലർച്ചെ അഞ്ച് മണി മുതലുള്ള സർവീസുകളെ, ദീർഘദൂര ട്രെയിനുകൾ, സ്റ്റോക്ക്ഹോമിനും അർലാൻഡ എയർപോർട്ടിനുമിടയിലുള്ള സർവീസ് ട്രെയിനുകളെയും ഈ കാലാവസ്ഥാവ്യതിയാനം ബാധിച്ചിട്ടുണ്ട്.
ഒലാൻഡ്, ഗോട്ട്ലാൻഡ്, നോർത്തേൺ കൽമർ കൗണ്ടി, ഓസ്റ്റർഗോട്ട്ലാൻഡ്, സോംലാൻഡ് എന്നിവിടങ്ങളിൽ യെൽലോ അലെർട്ട് നിലവിലുണ്ട്.വൈകുന്നേരങ്ങളിൽ കനത്ത മഞ്ഞുവീഴ്ച പ്രതീക്ഷിക്കുന്ന വെഹ്തെൻ തടാകത്തിന് പടിഞ്ഞാറുള്ള പ്രദേശങ്ങളും വാനെർണിൻ്റെ പടിഞ്ഞാറും തെക്ക്-പടിഞ്ഞാറും യെൽലോ അലെർട്ടിന് കീഴിലാണ്.
സ്വീഡനിൽ ഇതുവരെ അസാധാരണമാംവിധം നേരിയ ശരത്കാലമാണ് അനുഭവപ്പെട്ടത്, ഒരാഴ്ച മുമ്പ് മാത്രം താപനില 16.7 ഡിഗ്രി വരെ ഉയർന്നിരുന്നു.
You are here