സ്വകാര്യതാ ലംഘനങ്ങളുടെ പേരിൽ ഫേസ്ബുക്ക് ഉടമ മെറ്റാ പ്ലാറ്റ്‌ഫോമ്സിന് പ്രതിദിനം 1 ദശലക്ഷം ക്രോണെ പിഴ ചുമത്തുമെന്ന് നോർവേയുടെ ഡാറ്റാ പ്രൊട്ടക്ഷൻ അതോറിറ്റി അറിയിച്ചു.
ഡാറ്റാ പ്രൊട്ടക്ഷൻ അതോറിറ്റി കണ്ടെത്തിയ സ്വകാര്യത ലംഘനങ്ങൾ പരിഹരിച്ചില്ലെങ്കിൽ കമ്പനിക്ക് പിഴ ചുമത്തുമെന്ന് റെഗുലേറ്ററായ ഡാറ്റാറ്റിൽസ്യനെറ്റ് മെറ്റാ പ്ലാറ്റ്‌ഫോഫോമ്സിന് മുന്നറിയിപ്പ് നൽകിയിരുന്നു. നോർവേയിലെ ഉപയോക്താക്കളുടെ ഫിസിക്കൽ ലൊക്കേഷനുകൾ പോലെയുള്ള ഉപയോക്തൃ ഡാറ്റ മെറ്റായ്ക്ക് ശേഖരിക്കാനാകില്ലെന്നും അത് പരസ്യം ചെയ്യുന്നതിനായി ഉപയോഗിക്കുമെന്നും ഡാറ്റാറ്റിൽസ്യനെറ്റ് പറഞ്ഞിരുന്നു.
പ്രശ്നം അഭിസംബോധന ചെയ്യാനായി മെറ്റാ പ്ലാറ്റ്‌ഫോമ്സിന് ഓഗസ്റ്റ് 4 വരെ സമയമുണ്ടായിരുന്നു. അടുത്ത തിങ്കളാഴ്ച മുതൽ നവംബർ 3 വരെ പിഴയായി 1 ദശലക്ഷം ക്രോണെ പ്രതിദിനം നൽകേണ്ടതുണ്ട്.
ഫേസ്ബുക്ക്, ഇൻസ്റ്റാഗ്രാം തുടങ്ങിയ സേവനങ്ങളിൽ ഉപയോക്താക്കൾ കാണുന്നതിനെ അടിസ്ഥാനമാക്കി പരസ്യങ്ങൾ ടാർഗെറ്റുചെയ്യാൻ ബിസിനസുകളെ അനുവദിക്കുന്നതിന് മുമ്പ് യൂറോപ്യൻ യൂണിയനിലെ ഉപയോക്താക്കളോട്
അവരുടെ സമ്മതം ചോദിക്കാൻ ഉദ്ദേശിക്കുന്നതായി മെറ്റാ കഴിഞ്ഞ ആഴ്ച അറിയിച്ചിരുന്നു. ആ സമ്മത സംവിധാനം പ്രവർത്തനക്ഷമമാകുന്നതുവരെ മെറ്റായ്ക്ക് വ്യക്തിഗത ഡാറ്റയുടെ പ്രോസസ്സിംഗ് ഉടനടി നിർത്തി വയ്‌ക്കേണ്ടി വരുമെന്ന് ഡാറ്റാറ്റിൽസ്യനെറ്റിൻ്റെ അന്താരാഷ്ട്ര വിഭാഗം മേധാവി ടോബിയാസ് ജൂഡിൻ അറിയിച്ചു.
