ഫെറി കമ്പനിയായ ഫ്യോർഡ്ലൈനിൻ്റെ രണ്ട് ബോട്ടുകൾ ഫെബ്രുവരി-മേയ് മാസങ്ങളിൽ ഡെൻമാർക്കിലെ ഹേർട്ഷെൽസിൽ(Hirtshals) നിന്ന് നോർവേയിലെ സ്റ്റുവാങ്ങർ(Stavanger), ബെർഗെൻ(Bergen), ലോൻഗെസുണ്ട് (Langesund) എന്നിവിടങ്ങളിലേക്കുള്ള യാത്ര താത്കാലികമായി നിർത്തിവെച്ചതായി വാർത്താകുറിപ്പിൽ അറിയിച്ചു.
MS സ്റ്റുവാങ്ങർഫ്യോർഡിലും(Stavangerfjord), MS ബെർഗെൻസ്ഫ്യോർഡിലും(Bergensfjord) യാത്ര ചെയ്യാൻ ടിക്കറ്റ് ബുക്ക് ചെയ്തിരുന്ന ഏകദേശം 36,000 യാത്രക്കാരുടെ യാത്രകൾ റദ്ദാക്കി. യാത്ര ചെയ്യാൻ ബുക്ക് ചെയ്ത ഉപഭോക്താക്കൾക്ക് റീഫണ്ടോ, യാത്രാ വൗച്ചറുകളോ റീബുക്കിങ്ങ് ചെയ്യാനുള്ള അവസരമോ കമ്പനി വാഗ്ദാനം ചെയ്യുന്നു.
ഇന്ധനച്ചെലവ് വർധിക്കുന്നതിനാൽ 2023 സ്പ്രിങ് സീസണിൽ സർവീസുകൾ നടത്തില്ലെന്ന് അധികൃതർ അറിയിച്ചു. ഫെബ്രുവരി 8നും മെയ് 25നും ഇടയിൽ ഒരു റൂട്ടും സർവീസ് നടത്തില്ല. ജൂൺ 17 സർവീസുകൾ പുനരാരംഭിക്കും.
You are here