രണ്ട് മാസത്തെ ഇടവേളയ്ക്ക് ശേഷം ഫിൻ തിമിംഗലങ്ങളെ വേട്ടയാടുന്നത് പുനരാരംഭിക്കുമെന്ന് ഐസ്ലാൻഡ് സർക്കാർ വ്യാഴാഴ്ച അറിയിച്ചു. എന്നാൽ ദുരിതങ്ങൾ കുറയ്ക്കുന്നതിന് കഴിയുന്നത്ര വേഗത്തിൽ തിമിംഗലങ്ങളെ കൊല്ലണമെന്നാണ് പുതിയ മാർഗ്ഗനിർദ്ദേശങ്ങൾ. തിമിംഗലങ്ങൾ ഹാർപൂൺ ചെയ്തതിന് ശേഷം മരിക്കാൻ വളരെയധികം സമയമെടുക്കുന്നുവെന്ന റിപ്പോർട്ടിനെ തുടർന്ന് ജൂണിൽ റെയ്ക്യാവിക്ക് തിമിംഗലവേട്ട താൽക്കാലികമായി നിർത്തിവെച്ചിരുന്നു.
ഇരുപത് വർഷത്തെ ഇടവേളയ്ക്ക് ശേഷം 2006-ൽ ആണ് 20 മീറ്റർ വരെ നീളമുള്ള ഫിൻ തിമിംഗലങ്ങളെ വേട്ടയാടുന്നത് ഐസ്ലാൻഡ് പുനരാരംഭിച്ചത്. ചില തിമിംഗലങ്ങൾ വംശനാശത്തിൻ്റെ അടുത്തെത്തിയതിനെ തുടർന്നാണ് 1986-ൽ ഇന്റർനാഷണൽ വെയ്ലിംഗ് കമ്മീഷൻ്റെ തിമിംഗല സംരക്ഷണത നിയമം നിലവിൽ വന്നത്.
തിമിംഗല വേട്ടയാടൽ രീതികൾ മെച്ചപ്പെടുത്താൻ കഴിയുമെന്ന് സർക്കാറിൻ്റെ പുതിയ റിപ്പോർട്ടിന് ശേഷമാണ് വേട്ടയാടൽ പുനരാരംഭിക്കാൻ തീരുമാനമായത്.
“വേട്ടയാടൽ ഉപകരണങ്ങൾക്കും വേട്ടയാടൽ രീതികൾക്കുമുള്ള വിശദവും കർശനവുമായ നിയന്ത്രണം പുറപ്പെടുവിക്കും,” ഭക്ഷ്യ, കൃഷി, മത്സ്യബന്ധന മന്ത്രാലയം പ്രസ്താവനയിൽ പറഞ്ഞു. തിമിംഗല വേട്ടക്കാർ വേട്ടയ്ക്കുമുൻപ് കോഴ്സ് പൂർത്തിയാക്കേണ്ടതുണ്ടെന്നും തിമിംഗലങ്ങൾ വേഗത്തിൽ മരിക്കുന്നുവെന്ന് ഉറപ്പാക്കാൻ എങ്ങനെ ഹാർപൂൺ ചെയ്യണം എന്നതിൻ്റെ വിശദമായ നിർദ്ദേശങ്ങളും കോഴ്സിലുണ്ട് .