ഹൈവിൻഡ് ടാംപെൻ ഓഫ്ഷോർ വിൻഡ് ഫാമിലെ പ്രവർത്തനങ്ങൾ നോർവേയിലെ കിരീടാവകാശി ഹാക്കോൺ മാഗ്നസ് ബുധനാഴ്ച ഉദ്ഘാടനം ചെയ്തു. നോർവീജിയൻ പ്രധാനമന്ത്രിയും മറ്റ് വിശിഷ്ട വ്യക്തികളും സന്നിഹിതരായിരുന്നു. ലോകത്തിലെ ഏറ്റവും വലിയ ഓഫ്ഷോർ വിൻഡ് ഫാമാണിതെന്ന് ഇക്വിനോർ എനർജി കമ്പനി പത്രക്കുറിപ്പിൽ അറിയിച്ചു.
നോർവീജിയൻ കടലിലെ ഹൈവിൻഡ് ടാംപെൻ ഫസിലിറ്റിയിൽ ചില ടർബൈനുകൾ കഴിഞ്ഞ വർഷം പ്രവർത്തനമാരംഭിച്ചിരുന്നു. എൺപത്തിയെട്ട് മെഗാവാട്ട് (MW) സംയോജിത ശേഷിയുള്ള പതിനൊന്ന് വിൻഡ് ടർബൈനുകൾ ഹൈവിൻഡ് ടാംപെൻ വിൻഡ്ൽ ഫാമിൽ അടങ്ങിയിരിക്കുന്നു.
കടലിൽ 260 മീറ്ററിനും 300 മീറ്ററിനും ആഴത്തിൽ ആങ്കറിംഗ് സംവിധാനമുള്ള ഫ്ലോട്ടിംഗ് കോൺക്രീറ്റ് സ്പാർ ഘടനകളിലാണ് ടർബൈനുകൾ സ്ഥാപിച്ചിരിക്കുന്നത്. ബെർഗനിലെ ഇക്വിനോറിന്റെ ഓഫീസ് ലൊക്കേഷനിൽ നിന്നാണ് കാറ്റാടിപ്പാടം നിയന്ത്രിക്കുന്നത്. ഹൈവിൻഡ് ടാംപെൻ പൂർത്തീകരിക്കാൻ അഞ്ച് വർഷമെടുത്തെന്ന് ഇക്വിനോർ പറഞ്ഞു. അറുപത് ശതമാനം കരാറുകളും നോർവീജിയൻ സ്ഥാപനങ്ങൾക്കാണ് നൽകിയത്.