ഫിൻലൻഡിലെ ഭവനരഹിതരെ കുറയ്ക്കുന്നതിനായി വികസിപ്പിച്ചെടുത്ത ഹൗസിംഗ് ഫസ്റ്റ് (asunto ensin) മോഡൽ അന്താരാഷ്ട്ര തലത്തിൽ കൂടുതൽ ശ്രദ്ധയാർജ്ജിക്കുന്നു. യൂറോപ്യൻ യൂണിയനിൽ ഏറ്റവും കുറഞ്ഞ ഭവനരഹിതരുടെ നിരക്ക് ഫിൻ‌ലൻഡിലാണ്. ഈ സംഖ്യകൾ കുറയുന്നത് തുടരുന്നതായാണ് കഴിഞ്ഞ ആഴ്ച പ്രസിദ്ധീകരിച്ച സ്ഥിതിവിവരക്കണക്കുകൾ കാണിക്കുന്നത്. അതേസമയം യൂറോപ്പിലെ മറ്റ് രാജ്യങ്ങളിൽ എണ്ണം വർദ്ധിച്ചുകൊണ്ടിരിക്കുകയാണ്.
സാമൂഹിക പിന്തുണ ആവശ്യമുള്ള ഒരു വ്യക്തിക്ക് ആദ്യം സ്ഥിരമായ താമസസ്ഥലം ഉണ്ടായിരിക്കണം. അതിനുശേഷം മറ്റ് തരത്തിലുള്ള പിന്തുണകൾ അവതരിപ്പിക്കാം എന്ന ആശയത്തെ അടിസ്ഥാനമാക്കിയുള്ളതാണ് ഹൗസിംഗ് ഫസ്റ്റ് മോഡൽ.
അസുൻതോ എൻസിൻ (Asunto ensin) മോഡൽ മെറ്റേണിറ്റി പാക്കേജുമായി താരതമ്യപ്പെടുത്താവുന്ന ഒരു പുരോഗമന ആശയമാണ്. ഈ പദ്ധതി നടപ്പിലാക്കുന്ന Y-സാത്തിയോ വഴി ഈ ആശയത്തിന് കൂടുതൽ വാർത്താപ്രാധാന്യം ലഭിച്ചിട്ടുണ്ട്. കഴിഞ്ഞ വർഷം സ്പെയിൻ, കാനഡ മുതലായ രാജ്യങ്ങളിൽ നിന്ന് 150 വിദേശ സന്ദർശകർ ഫിൻലൻഡിൻ്റെ അസുൻതോ എൻസിൻ പദ്ധതിയെ കുറിച്ച് കൂടുതൽ പഠിക്കാനായി Y-സാത്തിയോ സന്ദർശിച്ചു.
യൂറോപ്പിൽ കൊറോണക്ക് ശേഷം ഭവനരഹിതരുടെ എണ്ണം വർധിച്ചു. ഭവനരഹിതരുടെ കുറയ്ക്കുന്നതിലൂടെ മാതൃകാ രാജ്യമായി പ്രവർത്തിക്കാനും മാറ്റം സാധ്യമാണെന്ന് തെളിയിക്കനുമാണ് ഫിൻലൻഡ് ശ്രമിക്കുന്നത്. 2023-ഓടെ ഭവനരഹിതരുടെ എണ്ണം പകുതിയായി കുറയ്ക്കുകയും 2027-ഓടെ ഭാവനരഹിതരരായി ആരും ഇല്ലാതിരിക്കുക എന്നതുമാണ് സർക്കാരിൻ്റെ ലക്ഷ്യം.
