2022 ഒക്ടോബറിൽ, EEA മേഖലക്ക് പുറത്തുനിന്നുള്ള വിദ്യാർത്ഥികൾക്കായി നോർവേയിലെ സർവ്വകലാശാലകളിൽ ട്യൂഷൻ ഫീസ് ഏർപ്പെടുത്താനുള്ള പദ്ധതി സർക്കാർ അനാവരണം ചെയ്തിരുന്നു. വിദ്യാർത്ഥികളുടെയും സർവ്വകലാശാലകളുടെയും സോഷ്യലിസ്റ്റ് ഇടതുപക്ഷ പാർട്ടിയുടേയും എതിർപ്പ് വകവയ്ക്കാതെയാണ് നിയമം നടപ്പിലാക്കിയത്.
2023-ലെ സാമ്പത്തിക പദ്ധതിയിൽ മറ്റ് കാര്യങ്ങൾക്ക് മുൻഗണന നൽകുന്നതിനായി അന്താരാഷ്ട്ര വിദ്യാർത്ഥികൾക്കുള്ള ഫണ്ടിംഗ് വെട്ടിക്കുറയ്ക്കാൻ സർക്കാർ തീരുമാനിച്ചു. EEA ക്ക് പുറത്തുള്ള വിദ്യാർത്ഥികൾക്ക് ട്യൂഷൻ ഏർപ്പെടുത്താനുള്ള നിയമത്തിൻ്റെ വിശദാംശങ്ങൾ വിദ്യാർത്ഥികൾക്ക് ലഭിച്ചിട്ടില്ല.
2023 ലെ ഓഗസ്റ്റിൽ ആരംഭിക്കുന്ന പുതിയ കോഴ്സുകളിൽ ചേരുന്നവർ സർവ്വകലാശാലയിൽ പഠിക്കാൻ നൽകേണ്ട ഫീസിൻ്റെ വിശദാംശങ്ങൾ ഗവൺമെന്റോ വിദ്യാഭ്യാസ സ്ഥാപനങ്ങളോ പുറത്തുവിട്ടിട്ടില്ല. പഠനത്തിന് പ്രതിവർഷം 130,000 ക്രോണർ ചെലവാകുമെന്ന് വിദ്യാഭ്യാസ സംസ്ഥാന സെക്രട്ടറി അറിയിച്ചിട്ടുണ്ട്. കൂടുതൽ വിവരങ്ങളുടെ അഭാവം നോർവേയിൽ പഠിക്കാൻ ആഗ്രഹിക്കുന്നവരെ ആശങ്കയിലാക്കുന്നു.
നോർവേയിൽ പഠിക്കാൻ എന്ത് ചിലവ് ഉണ്ടാകും എന്ന് കണക്കാക്കാൻ ഉന്നത വിദ്യാഭ്യാസ മേഖലയുമായി സഹകരിച്ച് ഒരു മാതൃക തയ്യാറാക്കി വരികയാണെന്ന് ആർട്ടിക് യൂണിവേഴ്സിറ്റി ഓഫ് നോർവേ (യുഐടി) അറിയിച്ചു. ജൂൺ – ജൂലൈ മാസങ്ങളിൽ യൂണിവേഴ്സിറ്റി ഓഫർ ലെറ്ററുകളും അയച്ചു തുടങ്ങുന്ന സമയമാകുമ്പോഴേക്കും വിദ്യാർത്ഥികൾക്ക് ഫീസിനെ കുറിച്ച് ഒരു വ്യക്തത ലഭിക്കാൻ സാധ്യതയുണ്ട്.
You are here