പിയർ-ടു-പിയർ സ്മാർട്ട്‌ഫോൺ അടിസ്ഥാനമാക്കിയുള്ള പേയ്‌മെൻറ്റ് സിസ്റ്റം മൊബൈൽ പേ ഉപയോഗിക്കുന്നതിന് ഡെൻമാർക്കിലെ ഉപഭോക്താക്കളിൽ നിന്ന് നിരക്ക് ഈടാക്കാൻ സാധ്യതയുണ്ട് മൊബൈൽ പേയുടെ ഫിന്നിഷ് വിഭാഗം അറിയിച്ചു.
അത്തരം ഫീസ് ഫിൻ‌ലൻഡിൽ ആസൂത്രണം ചെയ്തിട്ടില്ലെന്ന് മൊബൈൽ പേ ഫിൻ‌ലാൻഡിൻ്റെ സെയിൽസ് ആൻറ്റ് പാർട്ണർഷിപ്പ് മേധാവി സിർപ നോർഡ്‌ലണ്ട് പറയുന്നു.
2013-ൽ ഡാൻസ്‌കെ ബാങ്ക് ആരംഭിച്ച മൊബൈൽ പേയുടെ ഡിജിറ്റൽ വാലറ്റിന് ഡെന്മാർക്കിലും ഫിൻ‌ലൻഡിലും ആറ് ദശലക്ഷത്തിലധികം ഉപയോക്താക്കളുണ്ട്. ഡെന്മാർക്കിൽ മൊബൈൽ പേയ്‌ക്ക് ഫിൻ‌ലാൻഡിൽ ഉള്ളതിൻ്റെ ഇരട്ടി ഉപയോക്താക്കളുണ്ട്. ഫിൻ‌ലാൻഡിൽ രണ്ട് ദശലക്ഷത്തിലധികം ഉപയോക്താക്കളുണ്ട്. ഇടപാടുകൾക്ക് ഫീസില്ലാതെ മറ്റ് ഉപയോക്താക്കൾക്കും കടകളിലും പണം കൈമാറാൻ ആപ്പ് ഉപയോഗിക്കുന്നു.
“മൊബൈൽ പേ ഡെന്മാർക്കിൽ ഏറ്റവുമധികം ഉപഭോക്താക്കളുള്ള ഒരു മാർക്കറ്റ് ലീഡറാണ്. എന്നാൽ മൊബൈൽ പേ എന്ന സ്ഥാപനം പണം നഷ്‌ടപ്പെടുത്തുന്നു, അതിനാലാണ് അവരുടെ പ്രവർത്തനങ്ങൾക്ക് ധനസഹായം നൽകാൻ മറ്റ് ഓപ്ഷനുകൾ പരിഗണിക്കുന്നത്,” നോർഡ്‌ലണ്ട് വിശദീകരിച്ചു.
മൊബൈൽ പേക്ക് പ്രധാനമായും വാണിജ്യ ഉപഭോക്താക്കളിൽ നിന്ന് പേയ്‌മെൻറ്റ് ട്രാൻസ്ഫർ ഫീസ് വഴിയാണ് വരുമാനം ലഭിക്കുന്നത്. ഫീസ് എത്രയാണെന്ന് ഡാനിഷ് മാധ്യമങ്ങൾ വ്യക്തമാക്കിയിട്ടില്ല. ഡെൻമാർക്കിൽ സാധ്യമായ ഫീസ് അവതരിപ്പിക്കാനുള്ള ആസൂത്രണം ഇപ്പോഴും പ്രാഥമിക ഘട്ടത്തിലാണെന്ന് നോർഡ്‌ലണ്ട് പറഞ്ഞു.
ഫിൻ‌ലൻഡിൽ കൂടുതൽ വിപണി വിഹിതം നേടാനാണ് മൊബൈൽ പേ ലക്ഷ്യമിടുന്നതെന്നും ഉപയോക്തൃ ഫീസ് അവതരിപ്പിക്കാത്തതിൻ്റെ ഒരു കാരണമാണിതെന്നും നോർഡ്‌ലണ്ട് കൂട്ടിച്ചേർത്തു.
