ആർട്ടിക് കൗൺസിലിൻ്റെ റൊട്ടേറ്റിംഗ് പ്രസിഡൻസി സ്ഥാനം റഷ്യയിൽ നിന്ന് വ്യാഴാഴ്ച നോർവേ ഏറ്റെടുത്തു. കൗൺസിലിൻ്റെ പ്രവർത്തനങ്ങൾ മുന്നോട്ട് കൊണ്ടുപോകുമെന്ന് നോർവേ പ്രതിജ്ഞയെടുത്തു.
ആർട്ടിക് കൗൺസിൽ പരിസ്ഥിതി സംരക്ഷണവുമായി ബന്ധപ്പെട്ട കരാറുകൾ ഉണ്ടാക്കുകയും ആർട്ടിക് മേഖലയിലെ തദ്ദേശവാസികൾക്ക് ശബ്ദമായി പ്രവർത്തിക്കുകയും ചെയ്യുന്നു. എന്നാൽ സുരക്ഷാ പ്രശ്നങ്ങൾ കൈകാര്യം ചെയ്യാറില്ല.
എന്നാൽ 2022 ഫെബ്രുവരിയിൽ യുദ്ധം ആരംഭിച്ചതിന് തൊട്ടുപിന്നാലെ യുണൈറ്റഡ് സ്റ്റേറ്റ്സ്, കാനഡ, ഡെൻമാർക്ക്, ഫിൻലാൻഡ്, ഐസ്ലാൻഡ്, നോർവേ, സ്വീഡൻ എന്നിവ കൗൺസിലിൽ റഷ്യയുമായുള്ള അവരുടെ പ്രവർത്തനം താൽക്കാലികമായി നിർത്താൻ തീരുമാനിച്ചു.
കാലാവസ്ഥാ വ്യതിയാനം മുതൽ ധ്രുവക്കരടികൾ വരെയുള്ള വിഷയങ്ങളിൽ തൽഫലമായി റഷ്യ ഉൾപ്പെട്ട ഗവേഷണം നിർത്തിവച്ചു. കൂടാതെ റഷ്യൻ ആർട്ടിക്കിലെ പ്രധാന സ്ഥാപങ്ങളിലേക്കുള്ള പ്രവേശനം ശാസ്ത്രജ്ഞർക്ക് നഷ്ടപ്പെട്ടു.
‘കാലാവസ്ഥാ വ്യതിയാനത്തിൻ്റെ ആഘാതങ്ങൾ, സുസ്ഥിര വികസനം, മേഖലയിൽ താമസിക്കുന്നവരുടെ ക്ഷേമം വർദ്ധിപ്പിക്കുന്നതിനുള്ള ശ്രമങ്ങൾ എന്നിവയുൾപ്പെടെ കൗൺസിൽ കൈകാര്യം ചെയ്യുന്ന പ്രധാന വിഷയങ്ങളിൽ നോർവേ ശ്രദ്ധ കേന്ദ്രീകരിക്കുന്നത് തുടരും,’ നോർവീജിയൻ വിദേശകാര്യ മന്ത്രി ആനികെൻ ഹ്യൂറ്റ്ഫെൽഡ് പറഞ്ഞു.
റഷ്യയെ ഒറ്റപ്പെടുത്തുകയും അതേ സമയം കൗൺസിൽ പിരിച്ചുവിടാൻ റഷ്യയെ പ്രകോപിപ്പിക്കാതിരിക്കുകയും വേണം എന്നത് നോർവെയ്ക്കു ഒരു വെല്ലുവിളി തന്നെയാണ്. ഫ്രാൻസ്, ജർമ്മനി, ചൈന, ജപ്പാൻ, ഇന്ത്യ, കൊറിയ തുടങ്ങിയ രാജ്യങ്ങൾ ആർട്ടിക് കൗൺസിലിന്റെ യോഗങ്ങളിൽ നിരീക്ഷകരായി പങ്കെടുക്കുന്നു.
You are here